stæ.is

Strik sem hefur báða endapunkta sína á hring kallast strengur í hringnum. Ef strengurinn liggur í gegnum miðju hringsins þá kallast hann miðstrengur og lengd miðstrengsins kallast þvermál hringsins. Hringur með geisla $r$ hefur þvermál $2r$.

Ef báðir armar horns skera hring, þá er náið samband milli stærðar hornsins og stærða hringboganna sem skurðpunktarnir ákvarða. Þá er sagt að hornið spanni bogana. Fjögur tilfelli fást eftir því hvar oddpunktur hornsins er.

• Topppunktur hornsins er miðja hringsins:   Slíkt horn kallast miðhorn. Þá er stærð hornsins jöfn stærð bogans sem það spannar samkvæmt skilgreiningu á gráðutali hringboga.

Stærð horns í evklíðsku rúmi má tilgreina með bogamáli þess. Bogamál er rauntala og við táknum bogamál hornsins $\angle AOB$ með $|\angle AOB|$.

Tveir punktar $A, B$ í sléttu ákvarða strikið $AB$. Þrír punktar $A, B, C$ í sléttu ákvarða þríhyrninginn $ABC$. Almennt ákvarðar n-und $n$-und $(A_1,\ldots,A_n)$ af punktum í sléttu marghyrninginn $A_1A_2\cdots A_n$. Við köllum punktana $A_k$ hornpunkta marghyrningsins og strikin $A_k A_{k+1}$ hliðar hans. Auk þess er strikið $A_nA_0$ hlið í marghyrningnum. Horn marghyrningsins eru hornin $\angle A_{k-1} A_k A_{k+1}$, $\angle A_nA_0A_1$ og $\angle A_{n-1}A_nA_0$. Punktur er sagður á jaðri marghyrnings, ef hann er á einhverri hlið hans.

Tveir þríhyrningar eru eins ef flytja má annan þannig að hann falli algerlega ofan í hinn. Þríhyrningareglurnar gefa skilyrði sem tryggja þetta. Þær eru:

1. Ef tvær hliðar og hornið á milli þeirra eru eins í þríhyrningunum, þá eru þríhyrningarnir eins.