stæ.is

(English below)

Ágætu félagsmenn og aðrir áhugamenn um stærðfræði.

Fundur verður haldinn í Íslenska stærðfræðafélaginu fimmtudaginn 23. apríl
kl 16:45 í stofu VR-158 í HÍ. (Húsi Verkfræði-og náttúruvísindasviðs við Hjarðarhaga.)

Fundurinn hefst með hefðbundnum kaffiveitingum, en kl 17:15 heldur
Finnur Lárusson stærðfræðingur við Adelaide-háskóla í Ástralíu fyrirlestur
sem ber yfirskriftina:

Sveigjanleiki og stjarfi í fágaðri rúmfræði

Jólafundur Íslenska stærðfræðafélagsins verður haldinn kl 16 - 18 í Tæknigarði (1. hæð) laugardaginn 27. desember.

Á fundinum mun Reynir Axelsson ræða um sjálfvalið efni. Ennfremur gefst fundarmönnum kostur á að rabba saman yfir kruðum og kræsingum.

Gaman væri að sjá sem flest ykkar á fundinum og sérstaklega þau sem eru búsett erlendis en eru á landinu yfir hátíðirnar.

Nýlega var gerð úttekt á stærðfræðikennslu í framhaldsskólum á vegum Mennta- og menningarmálaráðuneytisins. Niðurstöðurnar birtust í skýrslu, sem er að finna á vef ráðuneytisins (sjá http://www.menntamalaraduneyti.is/media/frettir2014/Uttekt-a-staerdfraed... ). Skýrslan hefur hlotið nokkra umfjöllun, en nú hyggst Íslenska stærðfræðafélagið bæta um betur og halda málþing um hana.

Fundurinn hefst kl. 16:45 í stofu VR-157 í VR-II við Hjarðarhaga með hefðbundnum kaffiveitingum, en kl 17:15 heldur Birgir Hrafnkelsson fyrirlestur, sem ber yfirskriftina „Samanburður á Bayesískri tölfræði og klassískri tölfræði“. Birgir lýsir efni erindisins á eftirfarandi hátt:

„Mikill munur er á grunnhugsun í Bayesískrri tölfræði og klassískri tölfræði. Innan Bayesísku tölfræðinnar eru óþekktir stikar höndlaðir sem slembistærðir en innan klassísku tölfræðinnar eru þeir höndlaðir sem fastar með óþekkt gildi.

Dagskrá fundarins verður sem hér segir:

1. Kosning fundarstjóra og fundarritara.
2. Skýrsla stjórnar flutt.
3. Endurskoðaðir reikningar lagðir fram til afgreiðslu.
4. Umsóknir um félagsaðild bornar upp.
5. Kosning stjórnarmanna.
6. Kosning skoðunarmanns reikninga.
7. Ákvörðun árgjalds.
8. Önnur mál.