Skip to Content

Látum $A$ vera rauntalnamengi. Rauntalan $U$ kallast yfirtala mengisins $A$ ef fyrir öll $x \in A$ gildir að $x \leq U$. Ef $A$ hefur a.m.k. eina yfirtölu er sagt að það sé takmarkað að ofan.

Dæmi:   Látum $A$ vera rauntalnamengi með endanlega mörg stök. Þá hefur $A$ stærsta stak $S$ og allar rauntölur sem eru stærri en eða jafnar því, t.d. $S$, $S + 1$ og $S + \pi$, eru yfirtölur þess. Því er $A$ takmarkað að neðan.

Dæmi:   Ekkert mengjanna $\mathbb{N}$, $\mathbb{Z}$, $\mathbb{Q}$ og $\mathbb{R}$ er takmarkað að ofan því ekkert þeirra hefur yfirtölu.

Dæmi:   Fyrir sérhver $a$ og $b$ úr $\mathbb{R}$ með $a \lt b$ eru bilin $[a, b]$, $[a, b[$, $]a, b]$, $]a, b[$, $]-\infty, b]$ og $]-\infty, b[$ öll takmörkuð að ofan því t.d. hafa þau yfirtöluna $b + 1$.